HISTORY BLONG OL TRADE UNIONS MO VANUATU TEACHER'S UNION
Challenges mo Achievements
Ol Union oli no jas form after long independence, oli form finis bifo long taem blong ol pupu blong yumi after long World War 2 blong 1945.
1945
Ol franis teachers oli bin statem wan teacher’s association we emi blong ol franis teachers long that taem.
Purpose blong setemap Union ia emi blong askem franis kavman blong luk save right blong ol man ples mo tu blong franis kavman I localisem ol post inside long Education sector olsem post blong ol head master, inspectors, advisors etc…
1960
Ol British Civil Service oli formem wan union blong deal wetem ol issue we I stap affectem olgeta.
1974
Ol teachers we oli members blong British Civil Servants oli break away long (BCSA) mo formem New Hebredes British Teacher’s Association purposely from se BCSA emi stap deal nomo wetem ol cases blong ol narafala British Civil sevants mo no luk luk tumas long issue blong ol teachers.
1975
Taem Country I stap ko tru long ol process blong kasem Independence leading political party long taem ia Vanuaku Party I pasem wan resolution blong taem emi kasem power mbae emi do away wetem Franis System long Country.
1977
Association des Enseignants de Langue Francaise, franis teacher’s association ia oli bin holem wan bigfala demonstration long Port Vila mo presentem wan petition I ko long Vanuaku Party office blong askem se sapos NH I kasem Independence mbae oli no do a way wetem ranis system.
Demonstration olsem oli holem tu long Tanna, Malekula mo long Santo.
After taem Vanuaku Party I recivim petition ia oli kam blong jenisim resolution blong olgeta mekem se to day yumi kat two official languages long country.
1978
Ol teachers oli bin holem wan miting long mele mo askem long chief minister long taem ia blong askem tufala kavman blong kivim independence long New Hebrides.
1980
New Hebrides I kasem independence mo emi kam Vanuatu.
1983
Vanuatu kavman I pasem law blong I save kat ol Unions oli operate long Vanuatu,
1984
Tufala teacher’s association I kam tugeta mo taem ia nao Vanuatu Teacher’s Union emi establish long 26 April.
Since Independence long 1980 I kat wan total blong over 26 different Unions oli bin established long Vanuatu.
Ol unions olsem:
- Vanuatu Teacher’s Union
- Public savants Association
- Maritime workers Union
- Vanuatu Nurse Association
- Plantation workers Association
- National Union blong ol Labor Etc……
Every Unions ia oli nomo exist except Vanuatu Teachers Union mo National Union blong ol labor.
1993
Vanuatu Public Servant Association VPSA I ko long strike mekem se kavman I sakem every members blong em we oli bin strike.
1994
VTU I tekem wan sympathy strike wetem ol members blong VPSA mekem se kavman I sakem out every members blong VTU mekem se I kat 2 members nomo I holem tait VTU.
Tufala ia I kat Obed Masing, former mo tough President we emi stap today olsem Honorary President blong VTU mo Charles Calo we emi the longest serving SG blong VTU.
NB. Taem VTU I kasem wan jalens emi meanim se mbae VTU I ko long wan narafala stage long history blong development blong em.
Reality I showem se long year 2000 VTU buildimap ol members blong em I ko kasem 1000.
1997
Ol narafala Unions we oli nomo exist oli kam blong formem wan main Union blong ol workers blong Vanuatu we nao ia oli callem Vanuatu National Worker’s Union (VNWU). Vanuatu Teachers Union emi still stanap strong.
Long las (AGM) blong VTU long Tongoa Annual General Meeting emi amendem Constitution blong AGM I kam BGM.
Amalgamation : VNWU I askem blong emi amalgamate wetem VTU be taem correspondence ia I kasem VTU BGM emi always fail from ol teachers oli kat wan narafala view mekem se ting ting ia I never pass mekem se today yumi still kat two separate Union long Country.
1999
VTU I holem fes BGM blong em long Lycee Port Vila
Statistic blong VTU members emi kasem 1000 taem ol branches oli stap kivim out ol reports blong olgeta.
Plante long ol teachers we oli bin sakem out olgta oli kam back olsem ol teachers bakeken mo tu oli kam back olsem ol mambas blong VTU
2000
VTU I saenem wan MOA wetem MOET.
2001
Malakula South West Bay emi 2nd BGM
Obed Masing I step down mo BGM I electem Wenjio Tamau I kam next President blong VTU.
2003
Ambae Louenville emi 3rd BGM
From absences blong Wenjio Tamau long Ambae BGM Wilfred Leo emi elected I kam President blong VTU
Taem Wenjio I kam back long oversea mo findem out se emi nomo President blong VTU emi launchem wan case I ko lo kot mo accusem BGM se election procedures we BGM I bin folem emi illegal mo emi no folem constitution blong VTU.
2004
Faction blong Wenjio Tamau I bin karem wan kot order blong mekem se newly elected President Wilfred Leo mo ol niufala elected executive blong VTU long Ambae BGM oli mas 100 m out long VTU office.
VTU office I react mo tekem case ia I ko long kot mo kot I rul long favor blong VTU head office blong talem se election blong Ambae BGM emi valid mo emi folem law blong VTU
2005
North Efate Emua emi 4th BGM
Gat Review long Constitution.
VTU saenem wan CBA wetem MOET mo TSC.
2006
Vanuatu Financial Seveses Commission I kivim wan notice blong suspension long VTU.
After long some times VFSC I suspendem registration blong VTU folem ol alligesen se VTU I no stap usum gud ol money blong em.
VTU I tekem case ia I ko long kot mekem se VTU I karem back registration blong em.
After long kot case ia Minister blong finance long taem ia I appointem Moores Rowland blong emi kam acting administrator blong VTU.
Moores Rowland emi blong helpem VTU blong kam out long ol financial difficulties blong em
Implementation blong GRT 2005 mo New Salaries.
Ol 1994 strikers oli ricivim compensation blong olketa folem Sympathy Strike
2007
Tanna Lowanatom emi 5th BGM
BGM ia emi wan long ol biggest BGM we VTU I stap ranem mo emi bringim confident I kam back long plante members tru out long ol branchers se VTU emi no dead olsem we plante pipol oli stap talem
Review constitution blong VTU emi bin approved long BGM ia mo endorsed emi meanim se VTU I stap blong tekem wan narafala direction wetem administration blong em.
I gat 11 Portfolios hemi included for the fes time insaed long National Executive
2008
Emi wan narafala year we VTU executive I mas wok blong implimentem ol resolution blong Tanna BGM mo mekem ol preparations from Port Vila BGM long 2009 mo at the same time Silver Jubilee Celebration blong VTU.
Payment blong Transfer Allowances.
2009
6th BGM Lycee LAB mo Silver Jubilee Celebrations long Port Vila.
2013
7th BGM Malapoa College.
Land Board mo Members Savings Scheme I form. Tufala important business Arms ia I go hed wetem ol operations blong tufala.
2015
Members Saving Scheme hemi registered olsem VTUCU. (Vanuatu Teacher’s Union Credit Union) long VFSC.
Category 5 cyclone Pam I hitim Vanuatu mekem BGM we shud stap long Torba postponed to 2016.
2016
8th BGM I stap long Monmarte.
First ever Conference blong Yuth Included long this BGM.
Proposal blong BGM kam TGM
NEC Mandated blong Reviewem Constitution.
2017
Annomalies Claims
2018
Payments of Annomalies
2019
First (1st)TGM, Port Olry Santo.
Wan resolution ia nao hemi blong callem strike sapos ol log of claims I no met.
Consultation mo Endorsement blong Reviewed Constitution.
2020
VTU hemi providem Monetary Assistance mo Relief Supplies I go long Members long Northern Islands affected by Cyclone Harold.
2021
Suspension mo Termination blong VTU SG mo President.
2022
Suspension blong VTU NEC, Women’s Network, Youth, CU mo Landboard Executive Members.
2023
2nd TGM long Ulei, North Efate.
Improvement long ECCE Salaries
2024
VTU emi kolem wan Industrial aksen long 7 June.
VTU emi saenem wan understanding Agreement wetem TSC mo kavman long 17 June we emi engagem ol parties long comprehensive dialogue blong providem wan pathway blong setelem olketa grievances through long wan Collective Bargaining Agreement.
VTU emi rikolem strike long 10 August. Fes wave blong suspension emi happen long manis blong September .
VTU emi faelem wan Judicial Review (JR) long same manis blong September
2025
VTU emi winnim case blong JR long 30 May long Suprim kot.
April Kot emi upholdem decision blong Suprim Kot blong talem se Strike emi lawful mo quashem ol suspension mo terminesen blong ol VTU financial members long 14th August.
VTU emi saenem wan Collective Bargaining agreement (CBA) wetem kafman mo Teaching Service commission ( TSC) long 22 December .
Photographs
This content will contain photographs taken during important VTU events.
